[] 扭籮自摸求突破杏兒開騷挑戰 Lady GaGa

--> 胡杏兒將於本月中舉行迷你演唱會，她會施展渾身解數，以性感辣妹形象上陣，不惜趴地扭籮學貓步，模仿美國女歌手 Lady GaGa舞姿，務求盡顯風騷一面，她還自彈自唱演繹歌曲。杏兒近日正密鑼緊鼓綵排，幸得到家人的愛心湯水補身養聲支持，令她甜在心頭。
胡杏兒投身樂壇後先後出了兩張大碟，她將於本月 13日在九龍灣舉行迷你演唱會。繼早前露玉背拍攝唱片封套後，她在演唱會上又有新突破，加插一幕演出 Lady GaGa的快歌《 Paparazzi》中的火辣舞姿，難度頗高。
「感覺 sexy啲」
日前杏兒跟排舞老師練習舞步，見到杏兒施展渾身解數，使出貓步，又要瞓身趴地、扭籮自摸，體態撩人，杏兒說：「因為想個感覺 sexy啲，但自己好似骨子裏唔夠騷，平時好少喺觀眾前咁樣，今次係我嘅突破，雖然 part舞只係幾分鐘，但我跳舞始終唔係強項，所以練咗好耐。」至於緋聞男友黃宗澤有否教路，杏兒說：「佢都畀意見，但我都會請佢嚟睇。」杏兒為了苦練舞姿，早前還專登在家中添置新音響閉關練習，她還會在個唱中自彈自唱，她笑說：「我小學二年班時學過琴，今次真係乜都拎番晒出嚟，對我嚟講都有難度，因為唔同普通登台，演唱會觀眾要求會高啲。」今次杏兒為演出下了不少苦功，幸好每天有媽媽的愛心湯水補充，她說：「?家要不斷練氣，為咗保持體態，飲食都清淡啲，好彩有媽咪嘅湯水補身養聲。」
扮靚靚陪跑
此外，台慶頒獎禮明日舉行，杏兒已做足準備，她說：「今年對手咁勁，好難有期望，入到圍已經好開心，最緊要扮靚靚去參與，下年再努力。」